Eg tar ikkje like hardt i dette året som i fjor, men handla meg nokre sorter narcissar og ein sort allium hos blomebutikken Elie Verkstad i Leirvik. (Ein veldig fin butikk!) Dei har eit veldig fint utvalg av ikkje heilt vanlege sortar. Eg held meg unna tulipanar sidan det er så mykje hjort her i området, men det fins jo mykje anna fint òg.
Fire typar nye løkar i 2021.
Alle løkane vart planta i det nye staudebedet, slik at det vert litt vårblomstring der òg. Eg planta mykje løk i det andre bedet i fjor, og tenker at det vert fint å ha vårblomstring på begge sider av staudehagen.
Desse planta eg ved inngongen til staudehagen. Trur dei vil lyse fint opp. Alliumen skal verta høg, og eg sette difor løkane i bakerste enden av bedet. Trur dei kan verte eit fint fokuspunkt som blikket vert leia mot. Desse sette eg omlag midt i bedet.Desse sette eg i fremre kant av bedet, nær stien mellom dei to beda. Dei minnar meg litt om det me kalte for «pinstililjer» då eg vaks opp.
Eg avsluttar med eit bilde av den finaste av løkplantene eg planta i fjor – villtulipanen `Lilac Wonder´. Den lyser skikkelig opp, og eg håpar den har spreidd seg til våren.
